ဇာသူရို့လဲ

မပုတ်သိုးသိရေ
သမိုင်းကြောင်းတွက်
ပြက္ခဒိန်ကို ဟိမှာချပနာ
ဒေါသတဟုန်းဟုန်းနန့်
ရင်ဝကိုကျယ်ကျယ်ဖွင့်ဗျာလ်
လောဘဂေါင်းပေါင်း ပေါင်းလို့
အသူရို့လေးချင့်.....။

အထဲကဗလာနန့်
ဟန်ပြဒယောကိုဝတ်
ရက္ခိတတေးခြင်း မပြတ်ဖွင့်ပနာ
ရခိုင့်သဘာဝတိကို
ကန်ထရိုက်ဆွဲထားဆိုယင့်...။


ကုလားထိုင်မှာ
ငုတ်တုတ်ထိုင်လို့
ဘီယာဖာနတင်ပနာ
လာသမျှလူကိုလက်ခံ
သူရို့အလုပ်တိစွာ
စတိုင်လို့ဆိုယင့်...။

ကိုယ်မျိုးရို့ကိုဗန်းပြ
ကိုယ်ရို့လှည့်ပတ်ပနာ
ရခိုင်ပြည်ကျဆုံးရေနိန့်ကို
မမှတ်မိရေသတ္တဝါ
ဦးဥတ္တမနိန့်ကို
မမှတ်မိရေသတ္တဝါ
ဝါးကြီးမလုပ်ကေ
ဝါကြီးစားရေပိုင်
လူမျိုးခြားကို
ခေါ်တင်ထားဆိုယင့်...။

မမြင်ချင်အဆုံး
နီရာတိုင်းမှာတွီရေ
မွီးလိုက်တေအမိဖတိပင်
ဝမ်းရီဆာရဖို့အကောင်
အဖွဲ့စည်းကောင်းတိ
သိက္ခာကိုအထပ်ထပ်ခွာလို့
ဘားဂျပ်ချစားနိန်ယင့်
အသူရို့လည်းချင့်...။

ထွန်းလင်းစိုး