ဝါးမျိုခံရရေ အတွီး

အချေဘဝခါ
အမင်ပြောဖူးရေစကား
ကမ္ဘာမီးလောင် သားကောင်တက်နင်း
ယင်းစကားတိ မှန်ရေမလားရေ။

အခါတရာဆီးမစင်ရေ ပက်ကျိ
အထပ်ထပ်ကပ်နီရေ ဂျီးနန့်
ကမ္မာဝါစာဖတ်လို့
ကျွတ်တမ်းမဝင်သိရေ
သံခမောက်ရတိပိုင်
အမျှော်အမြင်ကို ဘောင်ခတ်ထားထားလို့
ချရားပွင့် ပန်ထားရေလူတိကို
လာပါ ကြွပါ ထိုင်ပါနန့်
များလာဂတ်တေ စားဖားချေတိ။

ခေတ်သစ် ရခိုင်ပြည်မှာ
ဖြစ်ကတ်ဆန်းနီဂတ်ပုံက
စားမလုပ်တိ တွီကေ
သားသ္မီးတိကို
ဈီးကွက်မှာ ထင်ထားရေပိုင်
ပရိုမိုးရှင်း ပီးနီကတ်စွာ
ချရားပွင့်ပန်ထားရေကောင်တိ
ကောင်းဈီးကောင်းနီယင့်။

ဒေပိုင်အတွီး
ဒေပိုင်အကြံ
စေတနာမှန်တိရာ
ငါရို့ပြည်မှာ များပြားလာကေ
တံတိုင်းအပြို နန်းရာအိုတိ
ပျောက်လားကတ်ဖို့ဗျာလ်ယေ။

ထွန်းလင်းစိုး