တောင်ကိုးရီးယားက ရခိုင်နန့် မြန်မာ ဘီဘီစီကို ဆန္ဒပြ

တောင်ကိုးရီးယားမှာ ရောက်ရှိနိန်ကတ်တေ ရခိုင်သား/သမ တိနန့် မြန်မာနိုင်ငံသူ/သား ရို့ရေ ဒေနိန့် ၂၀၁၂- ခုနှစ် ဖေဖေါ်ဝါရီ ၂၆-ရက် တောင်ကိုးရီးယားစံတော်ချိန်၂-နာရီမှာ တောင်ကိုးရီးယားနိုင် ငံမြို့တော် ဖြိုက်တေ ဆိုးလ်မြို့က အင်္ဂလန်သံရုံးရှိမှာ ဘီဘီစီက မှားယွင်းဖေါ်ပြခရေ မြန်မာနိုင်ငံမြီပုံမှာ ရိုဟင်ဂျာတိကို ထည့်ထားရေ ကိစ္စနန့်ပတ်သတ်လို့ ကန့်ကွက်ဆန္ဒပြကတ်ပါရေ။ ရခိုင်သူ/သားတိနန့်တတူ အခြားမြန်မာနိုင်ငံ တိုင်းရင်းသား တိ အားလုံးစုစုပေါင်း လူ (၁၀၀) ၀န်းကျင် လာပြီးကေ ဆိုးလ်မြို့က အင်္ဂလန်သံရုံးရှိမှာ နာမယ်ခံ ရိုဟင်ဂျာတိ ကို မြန့်မာနိုင်ငံမြီပုံမှာ ထည့်ထားစော်ကို ပြန်ပြုပြင်ပြီးဖို့၊ ဆောင်းပါးရှင် အင်နာဂျုံးက ရခိုင်တိုင်းရင်းသားတိနန့် တတူ မြန်မာနိုင်ငံက နောက်တခြားတိုင်းရင်းသားတိကိုပါဝန်ချတောင်းပန်ပီးဖို့၊ အင်နာဂျုံးကို အပြစ်ပီးအရီးယူဖို့ စရေ ကျွေးကြော်သံတိနန့် ငငြိမ်းချချမ်း ဆန္ဒပြ တောင်းဆိုခကတ်ပါရေလို့ လေးဝတီက သတင်းရပါရေ။ ယင်းဆန္ဒပြပွဲကို တောင်ကိုးရီးယား စံတော်ချိန်(၃ နာရီ ခွဲ)မှ အဆုံးသတ်လိုက်ပါရေ။


....................
လေးဝတီသတင်း

ဆက်ဖတ်ရန်»

ဒုသမ္မတ စိုင်းမောက်ခမ်း ကျောက်ဖြူသို့လာရောက်မည်

ရခိုင်ရိုးမ Tuesday ,February 21, 2012

စစ်တွေ။ ။ ဒုသမ္မတ ဖြစ်သူ စိုင်းမောက်ခမ်းရေ ရခိုင်ပြည်နယ်ကျောက်ဖြူမြို့နယ်သို့ ဒေ လ၂၄ ရက်နိန့် ရောက်ဖို့ရှိကြောင်း သတင်းရရှိပါရေ။

ကျောက်ဖြူမြို့တွင် လုပ်ဆောင်လျှက်ရှိရေ ဓာတ်ငွေ့ပိုက်လိုင်းစီမံကိန်းတိ၊ နောက် မဒေးကျွန်းရီနက် ဆိပ်ကမ်းနိန်ရာသို့ အဓိကထား လားရောက်ဖို့ရှိကြောင်း သိရပါရေ။

ယင်းပြင် ဓာတ်ငွေ့ပိုက်လိုင်းဖြတ်သန်းရာမှာ ပါဝင်လားရေ မြီကွက်တိ ဥယာဉ်ခြံပိုင်ရှင်တိကိုလည်း လျှော်ကြေးက်ိစ္စတိကို ဆွေးနွေးဖြေရှင်းလားဖို့ အလားလာရှိကြောင်း သိရပါရေ။

ဆက်ဖတ်ရန်»

အကျင့်ပျက် အိန္ဒိယအလုပ်သမားတိကို မြို့တွင်းသို့ ၀င်ခွင့်မပြု

ရခိုင်ရိုးမ (Wednesday, February 22, 2012)

ကျောက်ဖြူစီမံကိန်းတိမှာ လုပ်ကိုင်နိန်ကတ်တေ အိန္ဒိယလုပ်သားတိ (ဓါတ်ပုံ - ရခိုင်းရိုးမ)

ကျောက်ဖြူ(ရခိုင်ရိုးမ)။ ။ကျောက်ဖြူမြို့က စီမံကိန်းတိမှာ အလုပ်လုပ်ကိုင်နိန်ကတ်တေ အိန္ဒိယနိုင်ငံသား အလုပ်သမားတိကို မြို့တွင်းသို့ ၀င်ခွင့်မပြုကြောင်း သတင်းရရှိပါသည်။
အိန္ဒိယနိုင်ငံ (DDIL Co.,ltd) ( Punj LIoyd ) ကုမ္ပဏီက ၀န်ထမ်းတိရေ မြို့တွင်းမှာ သောက်စားမူးယစ်မှုတိ မဖွေမရာတိ လုပ်ကတ်တေအတွက် သက်ဆိုိင်ရာက မြို့တွင်းသို့ ၀င်ခွင့်မပြုကြောင်း သိရပါသည်။

ပြီးခရေ လ အတွင်းက ခရိုင်အုပ်ချုပ်ရေးမှူးကိုယ်တိုင် အိန္ဒိယအလုပ်သမားတိကို မြို့ပြင်သို့ ပြောင်းရွှိ့ဖို့ ညွှန်ကြားစာ ထုတ်ခကေလေ့ တစ်ချို့က လိုက်နာမှုမရှိဘဲ ဆက်နိန်ရေအတွက် ဒုတိယအကြိမ် မြို့ပြင်သို့ ပြောင်းရွှိ့နီထိုင်ဖို့ ညွှန်ကြားချက် ထုတ်ထားခြင်း ဖြိုက်ပါသည်။

“မြို့တွင်းမှာ တခြားလူမျိုးတိတော့ လားလာလို့ရပါရေ၊ အိန္ဒိယနိုင်ငံသားတိကိုရာ အ၀င်အထွက် မရှိစွာ၊ အဂု သူရို့အတွက် သီးသန့်မြို့ပြင်မှာ လိုင်တန်းနန့် ထားပါရေ’’ လုိ့ ကျောက်ဖြူမြို့ခံ တစ်ယောက်က ပြောပါသည်။

ယင်းအိန္ဒိယနိုင်ငံက အလုပ်သမားတိရေ မြို့တွင်းမှာ အိမ်ငှားပြီး နိန်ကတ်တေခါ သောက်စားမူယစ်ခြင်း၊ မလိုက်ခြင်း စရေ မဖွေမရာတိကို လုပ်နိန်ရေအတွက် မြိုပြင်မှာ နိန်ထိုင်ခွင့်ပီးလိုက်ခြင်းဖြိုက်ကြောင်း သိရပါသည်။

“ဒေ အိန္ဒိယက ကုလားတိ ကောင်းဆိုးရေ တခြားနိုင်ငံက အလုပ်သမားတိနန့် မတူ သောက်စားမူးယစ် အမျိုးမျိုးလုပ်တေ၊ ယင်းကြောင့် ဒေသခံတိလည်း အမြင်မကြည်ကတ်” လို့ ယင်းဒေသခံက ဆက်ပြောပါသည်။

အိန္ဒိယနိုင်ငံသားတိရေ ဓာတ်ငွေ့ပိုက်လိုင်းတိမှာ ပိုက်ဆက်လုပ်ငန်း၊ ရီတိမ် ရီလမ်းကြောင်းရှင်းလင်းခြင်းလုပ်ငန်း တိကို လုပ်ကိုင်နိန်စွာ ဖြိုက်ပြီး သာမန်ဝန်ထမ်းတစ်ဦး၏ လစာနှုန်းထားမှာ ဒေါ်လာ ၃၀၀ ရှိကြောင်း သိရပါသည်။

ကမ်းလွန်ဓာတ်ငွေ့ လုက်ကွက်တိကနိန် သွယ်တန်းလာရေ ပိုက်လိုင်းလမ်းကြောင်းတိကို ယင်း အိန္ဒိယကုမ္ပဏီက ဆောင်ရွက်နိန်ခြင်း ဖြစ်ပါသည်။

ဓာတ်ငွေ့ပိုင်လိုင်းသွယ်တန်းလုပ်ငန်းတိမှာ MGC Construction Co.,Ltd ၊ ကိုရီးယား အခြေစိုက် Kunchong E & C Co.,Ltd ၊ V Pile Co.,Ltd ၊ Soo-Pin Carane Service Co.,Ltd နှင့် Punj Lloyd PTE Co.,Ltd ကုမ္ပဏီတိက လုပ်နိန်ကတ်စွာဖြိုက်တေလို့ သိရပါသည်။

အဂုအခါ ယင်းအိန္ဒိယအလုပ်သမားတိကို ကျောက်ဖြူမြို့နယ် ပျားတဲအိမ်ရာ စီမံကိန်းဘက်မှာရာ နိန်ထိုင်ခွင့်ပြုထားကြောင်း သတင်းရရှိပါသည်။

ဆက်ဖတ်ရန်»

ဝါးမျိုခံရရေ အတွီး

အချေဘဝခါ
အမင်ပြောဖူးရေစကား
ကမ္ဘာမီးလောင် သားကောင်တက်နင်း
ယင်းစကားတိ မှန်ရေမလားရေ။

အခါတရာဆီးမစင်ရေ ပက်ကျိ
အထပ်ထပ်ကပ်နီရေ ဂျီးနန့်
ကမ္မာဝါစာဖတ်လို့
ကျွတ်တမ်းမဝင်သိရေ
သံခမောက်ရတိပိုင်
အမျှော်အမြင်ကို ဘောင်ခတ်ထားထားလို့
ချရားပွင့် ပန်ထားရေလူတိကို
လာပါ ကြွပါ ထိုင်ပါနန့်
များလာဂတ်တေ စားဖားချေတိ။

ခေတ်သစ် ရခိုင်ပြည်မှာ
ဖြစ်ကတ်ဆန်းနီဂတ်ပုံက
စားမလုပ်တိ တွီကေ
သားသ္မီးတိကို
ဈီးကွက်မှာ ထင်ထားရေပိုင်
ပရိုမိုးရှင်း ပီးနီကတ်စွာ
ချရားပွင့်ပန်ထားရေကောင်တိ
ကောင်းဈီးကောင်းနီယင့်။

ဒေပိုင်အတွီး
ဒေပိုင်အကြံ
စေတနာမှန်တိရာ
ငါရို့ပြည်မှာ များပြားလာကေ
တံတိုင်းအပြို နန်းရာအိုတိ
ပျောက်လားကတ်ဖို့ဗျာလ်ယေ။

ထွန်းလင်းစိုး

ဆက်ဖတ်ရန်»

ဇာသူရို့လဲ

မပုတ်သိုးသိရေ
သမိုင်းကြောင်းတွက်
ပြက္ခဒိန်ကို ဟိမှာချပနာ
ဒေါသတဟုန်းဟုန်းနန့်
ရင်ဝကိုကျယ်ကျယ်ဖွင့်ဗျာလ်
လောဘဂေါင်းပေါင်း ပေါင်းလို့
အသူရို့လေးချင့်.....။

အထဲကဗလာနန့်
ဟန်ပြဒယောကိုဝတ်
ရက္ခိတတေးခြင်း မပြတ်ဖွင့်ပနာ
ရခိုင့်သဘာဝတိကို
ကန်ထရိုက်ဆွဲထားဆိုယင့်...။


ကုလားထိုင်မှာ
ငုတ်တုတ်ထိုင်လို့
ဘီယာဖာနတင်ပနာ
လာသမျှလူကိုလက်ခံ
သူရို့အလုပ်တိစွာ
စတိုင်လို့ဆိုယင့်...။

ကိုယ်မျိုးရို့ကိုဗန်းပြ
ကိုယ်ရို့လှည့်ပတ်ပနာ
ရခိုင်ပြည်ကျဆုံးရေနိန့်ကို
မမှတ်မိရေသတ္တဝါ
ဦးဥတ္တမနိန့်ကို
မမှတ်မိရေသတ္တဝါ
ဝါးကြီးမလုပ်ကေ
ဝါကြီးစားရေပိုင်
လူမျိုးခြားကို
ခေါ်တင်ထားဆိုယင့်...။

မမြင်ချင်အဆုံး
နီရာတိုင်းမှာတွီရေ
မွီးလိုက်တေအမိဖတိပင်
ဝမ်းရီဆာရဖို့အကောင်
အဖွဲ့စည်းကောင်းတိ
သိက္ခာကိုအထပ်ထပ်ခွာလို့
ဘားဂျပ်ချစားနိန်ယင့်
အသူရို့လည်းချင့်...။

ထွန်းလင်းစိုး

ဆက်ဖတ်ရန်»

အလကားမော်ဒန်

ခြီတလှမ်း
ကုဋေတသန်းတန်ရေစကားက
သူရို့ဂုဏ်သိက္ခာတွက်
ဆုတ်ကပ်ကိုကျော်ဖြတ်ဖို့
ခွန်အားရှိနိူင်ဖို့သိလား။

မော်ဒန်လောကထဲမှာ
ဖြစ်ပျက်နိန်ပုံက
မြင်လို့ပင်မကောင်း
မကျတကျစတိုင်နန့်
မဖုံမလုံဝတ်ပနာ
လမ်းမထက်က KMD ဆိုင်းဘုတ်ပိုင်
ပလူပျံနိန်ယင်ထော….။

တိုးတက်ပြောင်းလွဲနိန်ရေ
ဂလိုဘလိုင်ဇေးရှင်းခေတ်က
နှစ်ဆယ့်တစ်ရာဇုမှာ
အစားအစာကို
တဘက်တပြန်လှန်ပနာ
အစိမ်းစားရေထဲမှာ
ငါရို့တောင်ပါဝင်လာယင့်..။

သမိုင်းစာမျက်နှာကို
ပြောင်းပြန်လှန်ကြည့်ဂတ်မေ
သိက္ခာတိအထပ်ထပ်နန့်
မှိုတက်နိန်သိမ့်ရေ
စာမျက်နှာထဲမှာ
အင်းဝခေတ်က
အရှင်တေဇောသာရမထေရ်မြတ်တောင်
အရှင်သာရခိုင်တန်းဆောင်လောလို့
စာဆိုပြုခစွာထဲမှာ
သူ့ရို့တိ...သူရို့တိ.....ပါဝင်ရေ...။

ဇာမှာလည်းမောဒန်လောက
ဗြောက်သောက်ဆန်လို့
မော်ဒန် မော်ဒန်နန့်
သရပေါင်းတက်နိန်စွာ
အကလားရာမလားရေ...။


ထွန်းလင်းစိုး

ဆက်ဖတ်ရန်»